Австралия қирғоқлари яқинида акулалар тўдаси катамаранга ҳужум қилди

ASTANА. Кazinform - Австралиянинг Квинсленд штатидаги Кернс қирғоқларидан 835 километр узоқликда бортида уч киши бўлган катамаранга акулалар ҳужум қилди. Яхшиямки, учаласи ҳам қутқариб олинди, деб хабар беради Каzinform The Guardianга таяниб.

Қутқарув операциясини Австралия денгиз хавфсизлиги бошқармаси (AMSA) бошқарган бўлиб, у катамарандан тунги соат 01:00 атрофида авария сигналини олган.

«Вануатудан Кернсга йўл олган тўққиз метрли пуфланадиган «Тион» катамаранида уч киши — икки нафар россиялик ва бир нафар француз бўлган. Бир нечта акула ҳужумларида кеманинг иккала корпуси ҳам шикастланган.

Қутқарувчиларга ёрдам бериш учун Dugong Ace юк кемаси ва Кернс шаҳрида жойлашган Challenger қутқарув самолёти юборилган. Учаласи ҳам муваффақиятли қутқарилди ва эртага эрталаб Брисбенга етиб бориши керак.

Қутқарилган сайёҳлар Russian Ocean Way бутун дунё бўйлаб экспедиция экипажи аъзолари бўлиб чиқди. Бу ҳақда экспедиция ўзининг Telegram-каналида маълум қилди.