Австралия болаларга ижтимоий тармоқлардан фойдаланишни тақиқлайди
ASTANA. Kazinform - Австралия ҳукумати ижтимоий тармоқлардан фойдаланиш учун камида 16 ёшни белгиловчи инновацион қонунни қабул қилди, дея хабар беради Кazinform мамлакат бош вазири матбуот хизматига таяниб.
Баёнотда айтилишича, қонунчилик ёш австралияликларни ривожланишнинг муҳим босқичларида кўпроқ ҳимоя қилишга қаратилган.
Қонун ижтимоий медиа платформаларидан 16 ёшгача бўлганларнинг аккаунтларни рўйхатдан ўтказишига йўл қўймаслик учун оқилона чоралар кўришни талаб қилади. Бундан ташқари, ушбу чора-тадбирларни таъминлаш учун жавобгарлик ота-оналар ёки ёшларга эмас, балки ижтимоий медиа платформаларига тушади.
Шу билан бирга, мессенжерлар, онлайн ўйинлар, шунингдек, Headspace, Kids Helpline, Google Classroom ва YouTube каби таълим ва соғлиқни сақлаш билан боғлиқ хизматлардан фойдаланиш имконияти сақланиб қолади.
Шунингдек, у бошқа платформалар қаторида Snapchat, TikTok, Instagram ва X (собиқ Twitter)ни ўз ичига олувчи “ёш бўйича чекланган ижтимоий медиа”нинг янги таърифини тақдим этади.
Аввалроқ Австралия 16 ёшгача бўлган болалар учун ижтимоий тармоқларга киришни тақиқлашни қонунийлаштириши хабар қилинганди.
