Август ойининг сўнгги кунларида Қозоғистонда об-ҳаво қандай бўлади

ASTANА. Кazinform - Яқин уч кун ичида деярли бутун Қозоғистонда кучли ёмғир ёғиши ва ҳаво ҳароратининг пасайиши кутилмоқда, дея хабар беради Kazinform «Қазгидромет» РДК матбуот хизматига таяниб.

Синоптикларнинг хабар беришича, 29-31 август кунлари республиканинг аксарият ҳудудларида беқарор об-ҳаво кузатилади, момақалдироқ бўлади ва кучли шамол эсади, дўл ёғиши мумкин.

Қозоғистоннинг шимоли-ғарби, шимоли, маркази, жануби ва жануби-шарқида кучли ёмғир ёғиши, ҳаво ҳароратининг босқичма-босқич пасайиши кутилмоқда.

Ҳаво ҳароратининг энг кўп пасайиши республиканинг шимоли-ғарбий, шимолий ҳудудларида кутилмоқда, ҳаво ҳарорати кечаси 3-11 даража илиқ, кундузи 10-18 даража илиқгача пасаяди.

Фақат мамлакатнинг шарқи, жануби ва жануби-шарқида давр бошида илиқ бўлади, сўнгра давр охирида ҳаво ҳарорати кечаси 10-15 даражагача, кундузи 20-25 даражагача пасайиши кутилмоқда.