Атлантика океанида қайиқлар юзлаб муҳожирлари билан йўқолган

ASTANA. Kazinform – Муҳожирларни Европага ташийдиган, камида 300 нафар ноқонуний муҳожири бўлган уч қайиқ Атлантика океанида ғойиб бўлган. Бу ҳақда «Cаминандо Фронтерас» ноҳукумат ташкилоти матбуот котиби Хелена Малено Реутерс маълумот берди, дея хабар беради Kazinform.

Унинг сўзларига кўра, Испаниянинг Канар оролларига йўл олган қайиқлар 15 кун олдин Сенегал жанубидаги Кафонтин минтақасидан жўнаган.

Қайиқларнинг бирида 200 га яқин, қолган иккитасида 60-65 киши бўлган.

Малено бедарак кишилар тақдиридан хавотир билдирди. Маълумот ўрнида айтиш жоиз, Ғарбий Африкага яқин Канар ороллари сўнгги йилларда Испанияга етиб олишга уринаётган муҳожирлар учун асосий манзилга айланган.

Бирлашган Миллатлар Ташкилоти Халқаро миграция ташкилоти маълумотига кўра, 2022 йил Канар оролларига бораётган 559 киши, жумладан, 22 нафар бола ҳалок бўлган.