Атирау вилоятидан 700 нафар ўқувчи Туркистондаги оромгоҳда бепул дам олади
ATYRAÝ. Kazinform – Атирау вилоятидан 700 нафар мактаб ўқувчиси Туркистондаги оромгоҳда беш сменада бепул дам олади.
Атирау вилояти таълим бошқармаси бошлиғи вазифасини бажарувчи Света Аманшиева ва Туркистон вилоятидаги «Delve camp» болалар дам олиш оромгоҳи вакили Шоқан Қаирғалиулининг йиғилишида шундай қарор қабул қилди.
“Туркистон вилоятидаги оромгоҳ раҳбарияти Атирау вилоятидан келган 10-14 ёшли 700 нафар ўқувчига 5 сменада бепул дам олиш имконини яратмоқда. Ушбу оромгоҳда кам таъминланган, кўп болали оилалар фарзандлари ҳамда ўқишда аъло натижаларга эришган, мактаб ҳаётида фаол иштирок этаётган ўқувчилар дам олади. Биринчи гуруҳ ўқувчилари 28 май куни таътилга жўнаб кетади”, — деди бошқарма матбуот котиби Эльмира Тунғатарова.
Оромгоҳ вакили Шоқан Қаирғалиулининг айтишича, ёзги оромгоҳда болаларнинг дам олиши, инглиз тилини ўрганиши учун барча шароит яратилган. Энг муҳими, хавфсизлик чоралари қаттиқ назоратга олинган.
