Атирау вилоятида «Овул омонати» лойиҳасини молиялаштириш учун 1,5 млрд тенге ажратилди

ATYRAÝ. Kazinform – Қозоғистоннинг Атирау вилоятидаги «Овул омонати» лойиҳасини молиялаштириш учун 1,5 млрд тенге ажратилди, дея хабар бермоқда Kazinform.

Атирау вилоят қишлоқ хўжалиги бошқармаси бошлиғи Салауат Отеғуловнинг маълумотларига кўра, кооперативлар ёки шахсий фермер хўжаликларига ушбу лойиҳада иштирок этиш имконияти берилган.

«Жорий йилда вилоятда «Овул омонати» лойиҳаси доирасида 2,5 фоиз ставка билан 1 миллиард 504 миллион тенге кредит ажратилди. Масалан, кооперативларга 27 миллион тенге, якка тартибдаги фермер хўжаликларига 8 миллион тенгегача кредит ажратиш кўриб чиқилмоқда», — деди Салауат Отеғулов.

Унга кўра, соддалаштирилган кредит шартлари муддати 5 йил, чорвачилик соҳасидаги лойиҳалар учун 7 йил. Номинал фоизлар миқдори йилига 2,5 фоиздан ошмайди.