Астананинг сунъий интеллектдан фойдаланиш тажрибаси жаҳон суд тизими эътиборини тортди

Астананинг сунъий интеллектдан фойдаланиш тажрибаси жаҳон суд тизими эътиборини тортди
Фото: Олий суд матбуот хизмати

ASTANA. Кazinform – Суд фаолиятида сунъий интеллектдан фойдаланиш бўйича онлайн форумда Олий судлар раиси: Қозоғистондан Асламбек Мерғалиев, Қирғизистон Республикасидан Замирбек Базарбеков, Ўзбекистондан Бахтиёр Исломов, Озарбайжондан Ином Каримов, Ҳиндистондан Дхананджая Й.Чандрахуд ҳамда Жаҳон банки (ЖБ) экспертлари иштирок этдилар.

Халқаро суд бошқаруви ассоциацияси (MASA) Астана шаҳрида муҳокама ўтказишни режалаштирган ва Қозоғистоннинг суд тизимини бошқариш тажрибаси жаҳон суд тизими учун муҳимлигини қайд этган. Шундан келиб чиқиб, олий судлар раҳбарлари ва экспертлар Қозоғистон Олий суди билан суд ишларини юритиш амалиётини муҳокама қилдилар.

А. Мерғалиев форумда эришилган ижобий кўрсаткичлар билан ўртоқлашди – БМТ маълумотларига кўра, Қозоғистон электрон ҳукуматни ривожлантириш бўйича мониторинг қилинган 193 давлат орасида 28-ўринни ва онлайн хизматлар кўрсатиш бўйича 8-ўринни эгаллади. CEPEJ тадқиқотига кўра, Қозоғистон судларда ІТ- технологияларидан фойдаланиш бўйича 47 давлат орасида 4-ўринни эгаллади.

Мутахассислар, жумладан MASA президенти Луис Пальма Қозоғистоннинг салмоқли ютуқлари ҳақида гапирар экан, унинг ислоҳотлардаги муҳим ютуқларини алоҳида таъкидлади.

Уларнинг шарофати билан судялар маъмурий ишда ўз вазифаларига кирмайдиган вазифаларни бажаришдан озод қилинади. Судлар учун мустақил бюджет ташкил этилди, ишларни автоматлаштирилган тақсимлашда экстратерриториаллик тамойилидан фойдаланиш имконияти яратилди. Судларга рақамли киришнинг юқори даражаси ва фойдаланувчиларга қулай ІТ- хизматларини ривожлантиришга алоҳида эътибор қаратилмоқда.

Ҳуқуқни муҳофаза қилиш органлари фаолиятининг бир хиллигини таъминлаш учун ёрдам сифатида машина ўрганиш, сунъий интеллект ва робототехникадан фойдаланиш, Л. Пальманинг фикрича, ютуқлар ўсишига ёрдам бериш учун потенциал бўлиб хизмат қилади.

Халқаро экспертлар суд ижрочилари қарорларини санкция қилиш учун жорий этилган роботнинг самарадорлиги, суд қарори лойиҳасини тайёрлашда ва адвокатларга smart-ёрдамчи сифатида сунъий интеллектдан фойдаланиш, суд амалиётини рақамли таҳлил қилиш, технологиялар орқали одил судловдан фойдаланиш имкониятларини яхшилаш йўлларини жумладан, чатботларни қайд этди.

Лекин, энг муҳими, хорижлик экспертларни ушбу IT воситалари Қозоғистон судлари фаолиятига қандай таъсир қилгани қизиқтирди. Хусусан, суд фаолиятининг шаффофлигини оширди, катта маълумотларни қайта ишлашни ва суд жараёни иштирокчилари ўртасидаги узлуксиз алоқани тезлаштирди, суд хатоларини камайтирди ва судга бўлган ишончни оширди.

Шу билан бирга, MASA вице-президенти, Қозоғистон Республикаси Судлар маъмурияти раҳбари Наиль Аҳметзакиров форум якунида илғор тажрибаларни интеграция қилишдан манфаатдор эканлигини, шунингдек, мамлакатларнинг суд менежментини баҳолаш имкониятларини таъкидлади.

Форум иштирокчилари Астананинг Қозоғистонни IT гигантига айлантиришга аниқ интилиши, унинг маълумотлар хавфсизлиги ва кибертаҳдидларга қарши кураши ҳамда судларда рақамлаштиришни ривожлантириш бўйича тажрибасининг фойдали комбинацияси ҳақида сўзлаб беришди.

Форум суд-ҳуқуқ тизимидаги ўзгаришларни рағбатлантирувчи ҳамда барча учун самарали ва очиқ судловни таъминлашга қаратилган умумий интилишни қўллаб-қувватловчи фикр ва амалиётлар алмашиш майдонига айланди.

Сўнгги хабарлар