Астанага 125 та янги автобус келтирилди
«Пойтахтда 6 та автобус парки мавжуд. Улардан 5 таси хусусий, 1 таси коммунал парк. Жамоат транспорти 91 йўналишда ҳаракатланади. Улардан 63 таси шаҳар ичида, қолган 28 таси эса шаҳар атрофига қатнайди. Ҳар куни тармоқда 850 га яқин автобус юради. 2022-2023 йилларда жамоат транспорти хизматини яхшилаш мақсадида 4 та (№121, 327, 328, 329) автобуслар янги йўналиш бўйича йўлга қўйилди. Бундан ташқари, 44 та йўналишнинг ҳаракатланиш жадвалига ўзгартириш киритилди, «Bus Lane 2» участкаси жорий этилди», – деди масъулат жамоатчилиги кенгаши йиғилишида Транспорт ва йўл инфратузилмасини ривожлантириш бошқармаси бошлиғи ўринбосари Ержан Диханбаев.
Унга кўра, шаҳар йўналишларининг иш тартиби ҳам оширилган.
«Бугун пойтахтда жамоат транспорти тақчиллиги кузатилмоқда. Бу муаммони ҳал қилиш учун жорий йилда 400 та автобус харид қилинса, шундан 125 таси шаҳарга олиб келинган. 320 та автобус шаҳар парки томонидан, 80 таси эса хусусий автопарклар томонидан харид қилинади. Яна бир нарсани айтиб ўтиш жоизки, шаҳар аҳолисининг ўсишини инобатга олган ҳолда ҳар йили 100 та автобус харид қилиш зарур», – деди спикер.
Муаллиф: Даулет Изтилеу
