Астанада жамоат транспортида йўл ҳақини Bluetooth орқали тўлаш мумкин
Астана жамоат транспортида йўл ҳақини Bluetooth орқали тўлаш имконияти мавжуд. Ушбу тўлов туридан Avtobys мобил иловаси орқали фойдаланиш мумкин, деб хабар беради Каzinform Астана ҳокимлиги матбуот хизматига таяниб.
Бунинг учун Avtobys мобил иловасини юклаб олиб, телефон рақамидан фойдаланган ҳолда иловада рўйхатдан ўтиш, мобил илова балансини тўлдириш керак (ҳамён тугмачасини танлаш ва таклиф қилинган усуллардан бирини танлаш лозим).
Илова балансини QIWI, kassa24 тўлов терминаллари, электрон ҳамёнлар, интернет-банкинг орқали тўлдириш мумкин.
Йўл ҳақини Bluetooth орқали тўлаш учун телефоннинг Bluetoothини улаб, иловага кириш керак, Bluetooth белгисини босиб, маршрутни танлаш ва тўловни тасдиқлаш лозим.
Қайд этиш жоизки, ушбу тўлов усули ҳозирда йўл ҳақини тўлашнинг электрон тизими ускуналари билан жиҳозланган автобусларда мавжуд.
