Астанада Паркинсон касаллигига чалинган беморлар учун маслаҳат мактаби очилди

ASTANA. Kazinform – ҚР Президенти маъмурияти тиббиёт маркази шифохонасида Паркинсон касаллиги билан оғриган беморлар учун мактаб ташкил этилди, деб хабар беради Kazinform мухбири.

Махсус ишлаб чиқилган мактаб иши жараёнида беморларга Паркинсон касаллигини даволаш ва реабилитация қилиш усуллари, турмуш тарзи, овқатланиш, парҳезни ташкил қилиш ҳақида маълумот берилади.

«Паркинсон мактаби беморларимизнинг илтимосига биноан ташкил этилган. Бизнинг вазифамиз - беморлар ва уларнинг оила аъзоларини даволашнинг нозик томонлари ҳақида маълумот бериш. Мутахассислар уларга дори воситаларининг тасири, уларни қабул қилиш хусусиятлари, соғлом турмуш тарзи асосларини ўргатмоқда, асорат ва асоратнинг олдини олиш ҳақида маълумот бермоқда», – дейди тиббиёт маркази невропатологи Раушан Таутанова.

Мазкур тиббиёт маскани мутахассислари томонидан ҳар йили 100 нафарга яқин ҳаракатда нуқсони бўлган фуқароларга маслаҳат ва тиббий ёрдам кўрсатилмоқда. Уларнинг аксарияти жарроҳлик йўли билан даволанади. Ташкилотчиларнинг фикрича, паркинсон мактаби иши доимий тадбирга айланади.

Муаллиф: Алихан Асқар