Астанада Нобель мукофоти совриндорлари йиғилди
Нобель фестивали асосчиси ва бош директори Мақсат Қурбанов 2009 йилда биринчи марта Нобель мукофоти совриндорининг Қозоғистонга ташрифини ташкил қилди. Ўшандан бери мамлакат шаҳарларида жаҳон миқёсидаги олимларнинг маърузалари ташкил этилмоқда.
“2019 йилда мени Нобель қўмитаси аъзоси сифатида Нобель мукофотини топшириш маросимида қатнашиш учун таклиф қилди. Кейин менда Нобель фестивалини ўтказиш ғояси пайдо бўлди. Нима учун бу муҳим? Барча ривожланган мамлакатларда Нобель анжуманлари ва симпозиумлари ўтказилади. Чунки жаҳон олимлари энг янги илм-фан ютуқларининг асосчиларидир. Ёш давлат ва илғор жамият сифатида жаҳон билимларини қабул қилиш биз учун муҳим”, - деди Мақсат Қурбанов фестивалнинг очилиш маросимида.
Уч кун давом этадиган фестивалда Нобель мукофоти лауреатлари, визионерлар ва бизнес мутахассислари иштирок этмоқда.
“Энди фан ва таълимга муносабат ўзгарди. Биз илмий-техникавий инқилоб ёқасида турибмиз. Ўтган йил ноябрь ойида бир қатор қизиқарли хабарлар пайдо бўлди. «OpenAI» номли кичик компания сунъий интеллект алгоритмини ишлаб чиқди. Шундан сўнг саноатда рақобат дарҳол кучайди. Microsoft компанияси дарҳол «OpenAI»нинг сунъий интеллект алгоритмини 10 миллиард тенгега сотиб олди. Google компания бу йилни сунъий интеллект деб эълон қилди. Яна бир янгилик шундаки, АҚШ Энергетика вазири миллий лаборатория негизида термоядровий реактор амалга оширилганини маълум қилди. Хитой ҳам унинг ортидан 2028 йилда термоядро реакторини ишга туширишини маълум қилди”, - деди ҚР Фан ва олий таим вазири Саясат Нурбек.
Муаллиф: Даулет Изтилеу
