Астанада минорали кранларни ишлаб чиқарувчи илк Қозоғистон заводи қурилади

ASTANА. Кazinform - Астанада қурилиш юк кўтарувчи машина ва механизмлар ишлаб чиқарадиган биринчи маҳаллий завод қурилади, дея хабар беради Кazinform «Самруқ-Қазна» жамғармаси матбуот хизматига таяниб.

«Samruk-Kazyna Construction» АЖ «Лашин Фаcтори» МЧЖ билан қурилиш бўйича инвестиция шартномаси тузди. Биринчи юк кўтарувчи машиналарни ишлаб чиқариш 2024 йилнинг биринчи ярмига мўлжалланган. Завод йилига 35 та минорали кран ва 20 та фасад кўтаргич ишлаб чиқариш имкониятига эга бўлади.

Янги завод маҳсулотлари маҳаллий бозор эҳтиёжининг 19 фоизини қоплайди. Маҳаллий маҳсулотларнинг нархи хитойликларга нисбатан 30 фоизга, россияликларга қараганда 50 фоизга паст бўлади.

Яна бир афзаллиги шундаки, завод баландлиги ва узунлигини мослаштириб, минорали кранларни мижозлар талабларига мослаштира олади. Шунингдек, «Лашин Фаcтори» МЧЖ техник хизмат кўрсатиш марказини тақдим этади.

Инвестициялар ҳажми 1,39 миллиард тенге бўлиб, шундан 697 миллион тенге (50%) «Samruk-Kazyna Construction» АЖ томонидан импорт ўрнини босишга қаратилган инвестиция фаолияти доирасида йўналтирилган.

Бўлажак корхона «Астана – янги шаҳар» махсус иқтисодий зонаси ҳудудида жойлашади.