Астанада Миллий музейда маҳаллий журналистика тарихига бағишланган кўргазма очилди

ASTANA. Kazinform – 2023 йил 27 июнь куни Қозоғистон Республикаси Миллий музейида Қозоғистон оммавий ахборот воситалари ходимлари куни муносабати билан «Қозоқ журналистикаси: ўтмиши ва бугуни» кўргазмасининг тантанали очилиш маросими бўлиб ўтди. Бу ҳақда Kazinform Миллий музей матбуот хизматига таяниб хабар беради.

Ушбу тадбир ҚР Ахборот ва ижтимоий ривожланиш вазирлиги ҳамда ҚР Маданият ва спорт вазирлиги томонидан ҳамкорликда ташкил этилди.

Кўргазмада Қозоғистон матбуот нашрлари, радио ва телевидение тарихига оид экспонатлар намойиш этилди.

«Биз ушбу соҳага масъул вазирлик сифатида журналистларни жалб этишшни ўйлагандик. Энди улар орасида, албатта, бир нечта режаларимиз бор. Бугун уларнинг биринчиси сифатида Маданият вазирлиги ва ушбу Миллий музей кўмагида махсус матбуот кўргазмасини очишга қарор қилдик. Бунда ёрдам берган ва қўллаб-қувватлаган барча ҳамкасбларимизга самимий миннатдорчилигимни билдираман», - деди ҚР Ахборот ва ижтимоий ривожланиш вазири Дархан Қидирали.

ҚР Маданият ва спорт ишлари вазири ўринбосари Нурқиса Дауешов ўзининг табрик сўзида шундай деди: «Менимча, инсонга бахт келтирадиган икки касб бор, улардан бири журналистлик, иккинчиси маданият. Чунки инсон зоти хушхабар эшитса қувонади, гўзал мусиқа тингласа, мусаввирларимиз томонидан яратилган гўзал расмларни кўриб ҳаяжонга тушади, шунинг учун биз танлаган касблар инсоният учун жуда фойдали деб ишонаман», -деди у.

Кўргазманинг очилишида қозоқ журналистикаси фахрийлари Сауитбек Абдрахманов ва Алибек Асқаров иштирок этиб, оммавий ахборот воситалари ходимларига ўзларининг самимий тилакларини изҳор этди.

Кўргазма 16 июлга қадар давом этади.