Астанада энг яхши оила аниқланди

ASTANА. Кazinform – Пойтахтда «Мерейлі отбасы» миллий кўрик-танловининг шаҳар босқичи якунланди, дея хабар беради Кazinform пойтахт ҳокимлиги сайтига таяниб.

Қозоғистонда 2013 йилдан буён ҳар йили «Мерейлі отбасы» миллий танлови ўтказиб келинмоқда.

«Бу йил танловда иштирок этиш учун 210 оила ҳужжат топширди, бу эса пойтахтимизда ўтказилган «Мерейлі отбасы» кўрик-танловининг мутлақ рекордидир. Оилавий қадриятларни тўғри шакллантириш, болаларни ватанпарварлик ва умуминсоний қадриятлар руҳида тарбиялаш ҳар бир оиланинг асосий вазифасидир. Бу ахлоқий қадриятларни жонлантириш ва оила мавқеини оширишга қаратилган. Маъмурият бу йўналишдаги барча ташаббусларни қўллаб-қувватлайди. Ишончим комилки, оила институтини қўллаб-қувватлаш сиёсати келажакда ўз самарасини беради», — деди Астана шаҳар ҳокими ўринбосари Есет Байкен.

Кўп болали Садуақасовлар оиласи танлов ғолиби деб топилди. Энди улар республика чемпионатига тайёргарликни бошлайди.

«Мен кўп болали онаман. Бир пайтлари биз пойтахтга Қарқарали шаҳридан келдик. Мен эрим билан 60 йил яшадим. Ҳар қандай байрамда оиламиз билан бирга бўламиз. Барча байрамларни бирга нишонлаймиз», - дейди Тишжан Садуақасова.

80 ёшли «Алтын алқа» соҳиби умр йўлдоши билан биргаликда 12 фарзанд – 6 ўғил ва 6 қизни вояга етказди. Уларнинг ҳар бири ўз фаолият соҳасида муваффақиятларга эришди. Худди шундай спорт, оммавий-ижодий ишлар, кўрик-танловлардаги фаоллиги учун мукофотларга сазовор бўлган.