Астанада 65 та мамлакат авиация маъмурияти учувчисиз учиш аппаратларидан фойдаланиш масаласини муҳокама қилади

ASTANA. Kazinform – 2024 йилнинг 13-17 май кунлари Астана шаҳрида 65 давлатдан JARUS аъзолари халқаро ташкилотлар вакиллари ҳамда Марказий Осиё давлатлари вакиллари иштирокида учувчисиз тизимлар бўйича қоидаларни ишлаб чиқиш(Joint Authorities for Rulemaking оn Unmanned Systems – JARUS) юзасидан Авиация маъмурияти қўшма қўмитасининг (ЖАРУС) ялпи мажлиси бўлиб ўтади. Бу ҳақда Kazinform Қозоғистон фуқаро авиацияси қўмитаси матбуот хизматига таяниб хабар беради.

JARUS учувчисиз учиш аппаратлари тизимларидан фойдаланишни тартибга солиш бўйича таклифлар ишлаб чиқиш билан шуғулланувчи бутун дунё бўйлаб миллий авиация идораларининг экспертлар гуруҳидан иборат.

JARUSнинг мақсади қўмита аъзолари ўртасида учувчисиз учиш аппаратларини тартибга солиш бўйича умумий ёндашувни ишлаб чиқиш, унинг талабларини саноат иштирокчилари ва халқаро фуқаро авиацияси ташкилоти эҳтиёжлари билан уйғунлаштиришдан иборат.

Ташкилот мунтазам учрашувлар ва ишчи гуруҳлар орқали учувчисиз учиш аппаратларини тартибга солиш ва долзарб муаммоларни ҳал қилиш соҳасида кўникма, тажриба ва илғор тажриба алмашиш учун платформа вазифасини ўтамоқда.

Ташкилот иши JARUSга аъзо мамлакатларнинг қўшма тажрибасига таянган ҳолда ҳар бир мамлакатга уйғунлаштирилган талабларни шакллантиришда ёрдам беришга қаратилган.

Бўлажак JARUS йиғилишида учувчисиз учиш аппаратлари тизимларидан фойдаланишни тартибга солиш бўйича стандартларни ишлаб чиқиш юзасидан таклифлар қуйидаги йўналишлар бўйича 4 та ишчи гуруҳ томонидан муҳокама қилинади: лицензиялаш ва фойдаланиш, парвозга яроқлилик, хавфларни бошқариш, автоном операцияларни тартибга солиш.

2023 йил июль ойида Қозоғистон ташкилотнинг 66-аъзоси бўлди, мамлакат JARUS Осиё/Австралия минтақаси раиси ўринбосари ҳисобланади.