Астана ва Индонезиянинг бўлажак пойтахти қардош шаҳарларга айланди
Индонезиянинг қурилаётган бўлажак пойтахти – Нусантара маъмурияти раҳбари Бамбанг Сусантоно ва Астана шаҳри ҳокими Женис Қасимбек ўзаро англашув меморандумини имзоладилар, унга кўра пойтахтлар қардош шаҳарларга айланди.
«Жаноб Қасимбек билан ҳамкорлик қилиш мақсадида Астана ва Нусантара ўртасида ўзаро англашув меморандумини имзоладик. Ҳамкорлик Астана ва Нусантара аҳолисининг иқтисодий ривожланишига ёрдам беради. Бу муносабатларни ривожлантириш учун билим, тажриба алмашиш платформаси бўлади, икки шаҳар ва икки давлатнинг ўсиши учун имконият яратади», - деди Бамбанг Сусантоно.
Шунингдек, у давом этаётган форумнинг икки томонлама муносабатларни янада ривожлантириш учун муҳимлигини таъкидлади.
«Ушбу тадбир муносабатларимизни ривожлантириш учун ўз вақтида бўлди. Мен жаноб Президентга (Қозоғистон) бу тарихий ўзгаришларнинг янги даври эканлигини тушунгани учун миннатдорчилик билдираман, чунки биз дунёмиз турли муаммоларга дуч келаётганини ва турли шаҳарлар қийинчиликларга дуч келаётганини кўриб турибмиз», - дея қўшимча қилди Бамбанг Сусантоно.
Нусантара - Индонезияда қурилаётган шаҳар бўлиб, унга мамлакат пойтахти Жакартадан кўчирилиши режалаштирилган.
Муаллиф: Серик Сабеков
