Астана шаҳрида КХШТ низом органларининг қўшма йиғилиши бўлиб ўтди
ASTANA. Kazinform – Тадбир давомида 1941-1945 йиллардаги Улуғ Ватан урушидаги Ғалабанинг 80 йиллигига бағишланган баёнот эълон қилинди ва қўшма юбилей тадбирлар режаси имзоланди, деб хабар беради ҚР Мудофаа вазирлиги.
Ташқи ишлар вазирлари кенгаши, Мудофаа вазирлари кенгаши, Хавфсизлик кенгашлари котиблари қўмитаси ва КХШТ Коллектив хавфсизлик кенгаши сессиясининг қўшма мажлиси доирасида халқаро ва минтақавий кун тартибининг долзарб масалалари муҳокама қилинди.
Тадбирларда Беларусь, Қозоғистон, Қирғизистон, Россия ва Тожикистон ташқи сиёсат ва мудофаа бошқармалари раҳбарлари, хавфсизлик кенгашлари котиблари, КХШТ Бош котиби Иманғали Тасмағамбетов, Ташкилот Бирлашган штаб раҳбари Андрей Сердюков иштирок этди.
Томонлар ҳудудлардаги ҳарбий-сиёсий вазиятнинг жиҳатларини, коллектив хавфсизлик тизимини янада ривожлантириш истиқболларини муҳокама қилдилар, КХШТ доирасидаги ҳамкорликка якун ясадилар.
1941-1945 йиллардаги Улуғ Ватан урушидаги Ғалабанинг 80 йиллиги муносабати билан баёнот эълон қилинди ва қўшма юбилей тадбирлар режаси имзоланди.
Йиғилиш иштирокчиларига ушбу мамлакат ташқи ишлар вазири Қирғизистоннинг 2025 йилда КХШТга раислигининг устувор йўналишлари ҳақида маълумот берди.
Қўшма йиғилишлар якунлари бўйича қатор ҳужжатлар имзоланди.
Аввалроқ Тожикистон президенти КХШТ саммитида иштирок этиш учун Астанага келгани хабар қилинганди.
