Астана шаҳрида грэпплинг бўйича жаҳон чемпионати бўлиб ўтади

ASTANA. Kazinform – 7-12 октябрь кунлари Астана шаҳрида грэпплинг бўйича жаҳон чемпионати бўлиб ўтади. Мусобақада дунёнинг 30 дан ортиқ давлатидан 1800 нафардан ортиқ спортчи иштирок этади, деб хабар беради Астана ҳокимлиги расмий сайти.

Чемпионат Grappling ва Grappling Gi бўйича барча ёш гуруҳлари – U15, U17, U20, катталар ва фахрийлар ўртасида ўтказилади.

“Грэпплинг ҳозир оммавий спортга айланди. У жаҳоннинг энг қадимий спорт ташкилотларидан бири саналган ва Халқаро олимпия қўмитаси томонидан эътироф этилган United World Wrestling Халқаро кураш федерацияси кўмагида ривожланмоқда”, — деди ҚР Грэпплинг Ассоциацияси президенти, Грепплинг бўйича ҚР миллий терма жамоаси бош мураббий Қанат Алин.

Эслатиб ўтамиз, Астана ушбу спорт тури бўйича жаҳон чемпионатига учинчи бор мезбонлик қилади. 2018 йилда Астана шаҳрида биринчи марта грэпплинг бўйича жаҳон чемпионати бўлиб ўтди. 2019 йилда у Олимпия спорт турлари - юнон-рум, эркин аёллар кураши бўйича Жаҳон чемпионати дастурига кирди.

Шунингдек, Қозоғистон пойтахти 2017 ва 2023 йилларда икки марта Осиё чемпионатига мезбонлик қилган.

Мусобақа 7-12 октябрь кунлари Ж.Ушкемпиров жанговар саройида бўлиб ўтади.