Астана пауэрлифтинг чемпионатига мезбонлик қилади
ASTANA. Kazinform – 2024 йил 5-12 октябрда Астана шаҳрида кўзи ожиз ва заиф кўрувчи спортчилар марказида пауэрлифтинг бўйича IBSAчемпионати бўлиб ўтади, дея хабар беради Kazinform пойтахт расмий сайтига таяниб.
Ушбу муҳим воқеа Қозоғистонда илк бор ташкил этилади ва турли мамлакатлардан энг кучли спортчиларни бирлаштиради. Мусобақада 9 давлатдан - Қозоғистон, Грузия, Украина, Туркия, Миср, Ливия, Чехия, Исроил ва Кениядан 71 нафар спортчи иштирок этади.
Жами 130 нафар иштирокчи, жумладан, мураббийлар, қўриқчилар ва ҳакамлар келиши кутилмоқда.
Бу Қозоғистонда кўзи ожиз ва заиф кўрадиган спортчилар ўртасида ўтказилаётган жаҳон миқёсдаги биринчи мусобақасидир. Чемпионат мамлакатда ногиронлиги бўлган шахслар учун инклюзивликни қўллаб-қувватлаш ва спортни ривожлантиришда муҳим қадам бўлади.
Чемпионат Қозоғистоннинг Парапауэрлифтинг федерацияси ва Қозоғистон Кўзи ожизлар спорти ассоциацияси томонидан Қозоғистон Республикаси Туризм ва спорт вазирлиги ҳамда Астана шаҳри ҳокимлиги кўмагида ўтказилади.
