11:11, 22 Январь 2024 | GMT +5
“Астана” клуби гвинеялик футболчи Усмон Камара билан уч йилга шартнома имзолади
ASTANА. КАZINFORM - “Астана” футбол клуби гвинеялик ярим ҳимоячи Усмон Камарани жамоага қўшиб олди. Шартнома кейинги уч йилга тузилган. Бу ҳақда жамоа матбуот хизмати хабар берди.
Усмон Камара 1998 йил 28 декабрда Гвинея пойтахти Конакри шаҳрида туғилган.
У ўз мамлакатининг “Атуга” клубида футбол “алифбосини” ўрганган, фаолиятини эса Швециянинг «АФК Эскильстуна» клубида бошлаган.
Кейинги йилларда Норвегиянинг “Волеренга” ва Грузиянинг “Дила” клубларида тўп сурди.
2022-2023 йилларда у Грузиянинг “Динамо” (Тбилиси) клуби шарафини ҳимоя қилиб, 26 та гол урди ва 19 та голли узатмани амалга оширди. Жамоа билан биргаликда у мамлакат чемпиони ва Грузия суперкубоги соҳибига айланди.
