Астана — Истанбул йўналишида рейслар сони кўпайди
ASTANA. Kazinform — Астана халқаро аэропортидан Истанбулга амалга ошириладиган мунтазам рейслар сони кўпайди.
Аввал ушбу йўналиш бўйича ҳафтасига 11 та рейс амалга оширилган бўлса, энди уларнинг сони 14 тага етди. Шу тариқа, рейслар ҳар куни икки мартадан амалга ошириладиган бўлди.
Рейслар сонининг кўпайиши йўловчиларга парвоз вақтини танлашда қўшимча имконият яратади. Истанбул орқали Европа, Осиё, Африка ва Америка мамлакатларига кейинги парвозларни ҳам амалга ошириш мумкин.
Ёзги мавсумда Астанадан Анталияга ҳам ҳар куни тўғридан-тўғри рейслар амалга оширилади. Бу Қозоғистон ва Туркия ўртасидаги ҳаво қатновининг ёзги мавсумдаги имкониятларини кенгайтиради.
Эслатиб ўтамиз, аввалроқ Орал аэропортидан Москвага тўғридан-тўғри рейс очилиши ҳақида хабар берган эдик.
