Астана халқаро форумини ўтказиш учун 1,4 млрд тенге сарфланади

ASTANA. Kazinform – Астана халқаро форумини ташкил этиш ва ўтказиш учун «QazExpoCongress» АЖга 1,4 миллиард тенгедан (1 440 619 000) ортиқ мақсадли ўтказма амалга оширилади, деб хабар беради Kazinform мухбири.

Бу ҳақда ҚР Миллий иқтисодиёт вазирлигининг 2023-2025 йилларга мўлжалланган бюджети тўғрисидаги баёнотида маълум қилинган.

Яқин уч йилда вазирлик стратегик бўлмаган харажатларга 11,6 миллиард тенге сарфлашни режалаштирмоқда.

Вазирликнинг марказий аппарати ва қўмиталари, шунингдек, ҳудудий тузилмаларни сақлаш учун 7,6 миллиард тенге ажратилган.

Шунингдек, 9 та мавзу бўйича таҳлилий тадқиқотлар ўтказиш учун 1,6 миллиард тенге, бюджет инвестиция лойиҳаларини баҳолаш, давлат-хусусий шериклик ва концессия ҳужжатлари бўйича экспертиза ўтказиш учун 631,9 миллион тенге ажратилди.

Астана халқаро форумини ташкил этиш учун 2023 йилда «QazExpoCongress» АЖга 1,4 миллиард тенгедан (1 440 619 000) ортиқ маблағ мақсадли ўтказиш режалаштирилмоқда.

Муаллиф: Есимжан Нақтибай