«Аshyq» дастури қозоғистонликларнинг шахсий маълумотларини эълон қилади» – фейк

NUR-SULTAN. Кazinform – Ижтимоий тармоқлар ва мессенжерларда Аshyq дастури Сейшел оролларида рўйхатдан ўтган ва у қозоғистонликларнинг шахсий маълумотларини учинчи шахсларга ошкор қилиши хабар қилинган. Stopfake.kz нашрининг маълум қилишича, бу ёлғон маълумот, деб хабар беради Kazinform.

«Миллий ахборот технологиялари» АЖ бу маълумотни рад этди.

«Ashyq» «Миллий ахборот технологиялари» АЖнинг ҳимояланган схемаси серверларида жойлашган. Улар ахборот хавфсизлигининг барча ягона талабларига жавоб беради ва Қозоғистонда рўйхатдан ўтган. Илованинг функционаллиги шахсий маълумотларни сақлашни, айниқса маълумотларни учинчи шахсларга ўтказишни таъминламайди.

Аshyqнинг дастурий таъминоти фақат фуқаронинг ҳолатини акс эттиради. QR-кодни сканерлашда Аshyq автоматик равишда Соғлиқни сақлаш вазирлиги маълумотлар базасига шахснинг ҳолатини (хавфсиз, нейтрал, инфекцияланган ва бемор билан алоқада бўлган) аниқлаш учун сўров юборади, бундан ташқари, QR- код сканерлаш пайтида ҳеч қандай чора кўрилмайди. Аshyq шахсий маълумотларни сақламайди ёки тўпламайди «, деди компания.

«Миллий ахборот технологиялари» АЖ ҳам ёлғон маълумот тарқатмасликка чақирди.