Ашхободда Туркий дунёсининг “Gorkut ata” кинофестивали ўтмоқда
ASTANA. Kazinform - Чоршанба куни Ашхободда Туркий дунёсининг "Gorkut ata"кинофестивали очилди. Фестивалда Қозоғистон, Қирғизистон, Туркманистон, Туркия ва Ўзбекистон фильмлари иштирок этади. Россияни Тува ва Бошқирдистон намойиш этади, деб хабар беради ТАСС.
“Туркий давлатлар вакиллари иштирокида ўтказилаётган “Gorkut ata” халқаро кинофестивалидан кўзланган асосий мақсад кинематография соҳасидаги ҳамкорликни ривожлантириш, кинематографияни ривожлантириш, жаҳон ҳамжамиятини туркий халқлар маданияти билан яқиндан таништиришдан иборат. Мазкур тадбирда туркий давлатлар билан бирга Россия Федерациясининг таниқли кино мутахассислари, актёрлари ва экспертларининг иштирок этиши бу йўналишдаги кенг кўламли ҳамкорликдан далолат беради”, — деди Туркманистон Президенти Сердар Бердимуҳамедов кинофестивал иштирокчиларига мурожаатида.
Тадбир Халқаро туркий маданият ташкилоти томонидан Анау шаҳрининг 2024 йил учун туркий дунёнинг маданий пойтахти деб эълон қилиниши ҳамда бу йил туркман мутафаккири ва шоири Махтумқули Фироғий таваллудининг 300 йиллиги муносабати билан ўтказиляпти.
Очилиш фестиваль иштирокчиларининг қизил гилам бўйлаб юриши билан бошланди. Сўнгра “Мукамс” саройида туркий маданиятга бағишланган қўшиқ, мусиқа ва рақслар намойиш этилган театрлаштирилган томоша билан давом этди.
Фестиваль 15 ноябрга қадар давом этади, унда актёрлик ва режиссёрлик маҳорат сабоқлари, туркий тилли давлатлар киноижодкорларининг учрашуви бўлиб ўтади.
