Арманистон ва Озарбайжон чегарасида биринчи чегара пости ўрнатилди

ASTANA. Kazinform - Арманистон ва Озарбайжон чегарасида биринчи чегара пости ўрнатилди. Бу ҳақда Арманистон ҳукумати маълум қилди.

“2024 йил 23 апрелда геодезик ўлчовларни мувофиқлаштириш доирасида Арманистон Республикаси ва Озарбайжон Республикаси чегарасида биринчи чегара пости ўрнатилди”, - дейилади Арманистон Вазирлар Маҳкамасининг Telegram-каналида.

Аниқ жойлашуви кўрсатилмаган.

Аввалроқ республика Ички ишлар вазирлиги 23 апрелдан Тавуш вилоятининг Баганис-Воскепар участкасида Озарбайжон билан чегарани делимитация қилишни бошлашини маълум қилганди.