Аргентинада президентлик сайловларида ўнг қанот сиёсатчи Хавьер Милей ғалаба қозонди

Аргентинада президентлик сайловларининг иккинчи босқичида фаворит ҳисобланмаган ўнг қанот сиёсатчи Хавьер Милей кутилмаганда 56 фоиздан кўпроқ овозни қўлга киритди, дея хабар беради Kazinform агентлиги BBC янгиликларига таяниб.

Унинг рақиби - Иқтисодиёт вазири Серхио Масса мағлубиятини тан олди ва янги раҳбарга омад тилади.

“Хавьер Милейга қўнғироқ қилиб, уни табрикладим ва омад тиладим, чунки у кўпчилик аргентиналиклар томонидан кейинги тўрт йилга сайланган президент”, - деди Масса.

Хусусан, у "АҚШ доллари учун песодан воз кечиш"га чақирди ва "инфляция саратони"ни тугатиш учун марказий банкни тугатишга ваъда берди.

Милей аборт, ўқотар қурол олиб юришга қарши чиқди ва Аргентинанинг асосий савдо ҳамкорлари - Хитой ва Бразилия билан алоқаларни узишга ваъда берди.

Шунингдек, ҳарбий диктатура қурбонлари сонини шубҳа остига олди ва иқлим ўзгаришига инсон фаолияти сабаб бўлганини рад этди.