Аргентина футзал бўйича жаҳон чемпионати финалига чиқди
ASTANА. Кazinform - Футзал бўйича жаҳон чемпионати финалида Бразилия ва Аргентина терма жамоалари тўқнаш келишади.
Ярим финалнинг иккинчи жуфтлигида Аргентина ва Франция майдонга чиқди. Ўйин давомида француз футболчилари ашаддий рақибга муносиб қаршилик кўрсата олди. Ҳар иккала жамоа 37-дақиқагача иккитадан гол уришга муваффақ бўлишди. Аргентиналик Клаудиньо томонидан киритилган гол жамоасига ғалаба келтирди. Шу тариқа, Аргентина терма жамоаси рақибини 3:2 ҳисобида мағлуб этди ва финалга иккинчи йўлланмани қўлга киритди.
Улар 6 октябрь куни финалда Бразилияга қарши ўйнайди. Шу куни 3-ўрин учун Франция ва Украина терма жамоалари тўқнаш келишади.
Эслатиб ўтамиз, бунгача Қозоғистон терма жамоаси чорак финалда Аргентинага мағлуб бўлганди.
Бу йил Қозоғистон терма жамоаси D гуруҳида Испания билан 1:1 ҳисобида дуранг ўйнаб, кейин Ливияни 4:1, Янги Зеландияни 10:0 ҳисобида мағлуб этди. Натижада Испаниядан кейин ўз гуруҳида иккинчи ўринни эгаллади. Шундан сўнг 1/8 финалда Португалияни 2:1 ҳисобида мағлуб этиб, чорак финалга йўл олди.
