Ҳар йили 1 миллион кишини иш билан таъминлаймиз – ҚР Меҳнат вазири

ASTANА. Кazinform – ҚР Меҳнат ва аҳолини ижтимоий ҳимоя қилиш вазири Тамара Дуйсенова вазирликнинг кенгайтирилган ҳайъат йиғилишида фуқароларни иш билан таъминлаш бўйича чора-тадбирлар қандай ташкил этилганини тушунтирди, деб хабар беради Кazinform мухбири.

«Мавжуд геосиёсий вазият, ёшларнинг сезиларли оқими, кутилаётган ишдан бўшатишлар ва янги иш ўринларининг кам шаклланиши миллий меҳнат бозорининг асосий муаммолари ва аҳолининг реал даромадларига таъсир этувчи омиллардир. Бинобарин, вазирликнинг мазкур йўналишидаги асосий мақсад оиланинг камида битта аъзосини расмий иш билан таъминлаш ва ижтимоий таъминот тизимига жалб этишдан иборат. Йил давомида 1 миллионга яқин аҳоли, жумладан, ёшлар, ишсиз фуқаролар ва ногиронлар иш билан таъминланди, – деди вазир.

Вазир асосий мақсадли контингент рақамли оилавий картадан олинган маълумотлар асосида шакллантирилишини эслатди. Улар: икки ёки ундан ортиқ ишсиз меҳнат ёшидаги аъзолари бўлган оилалар; ишсиз ёшлар; соғлиғи туфайли меҳнатга лаёқатли ногиронлар.

«Уларга давлат томонидан бандликка кўмаклашиш чораларини таклиф қилувчи SMS-хабарлар юборилади. Тадбирда иштирок этишга розилик берган фуқаролардан ҳудудларда ишга жойлаштириладиган шахслар реестри тузилади.

Маҳаллий ижро ҳокимияти органлари 15 январга қадар ушбу контингент билан ишлашга қаратилган ҳудудий бандлик хариталарини тасдиқлайди», *- деди вазир.

Муаллиф: Есимжан Нақтибай