Ҳар 6 ойда бир марта коронавирусга қарши вакцина олиш яхшироқдир - эксперт

NUR-SULTAN. Кazinform – Қозоғистон фуқароларига ҳар 6 ойда бир марта коронавирусга қарши вакцина олиш тавсия этилади. Бу ҳақда ҚР Соғлиқни сақлаш вазирлигининг Вакцина билан бошқариладиган инфекцияларни назорат қилиш бошқармаси бош эксперти Айдана Ергасен маълум қилди, дея хабар беради Kazinform мухбири.

«Биринчи навбатда, одам 2 дозада тўлиқ эмланиши керак. Кейин 6 ойдан кейин иммунитет пасая бошлайди. Тадқиқотлар шуни кўрсатади. Шунинг учун биз 3-дозани 6 ойдан кейин, 4-дозани эса яна 6 ойдан кейин олишни тавсия қиламиз. Инсон танасига ҳеч қандай салбий таъсир кўрсатмайди. Қайта коронавирус инфекциясига қарши жамоавий иммунитетни сақлайди. Янги штаммлар пайдо бўлишининг олди олинади», — деди Айдана Ергасен Марказий коммуникатсиялар хизматида бўлиб ўтган матбуот анжуманида.

Эслатиб ўтамиз, ҳозирда Қозоғистонда уч турдаги вакциналар мавжуд: QazVac, Sinopharm ва Pfizer. Ревакцинация учун - QazVac ва Sinopharm.

Муаллиф: Марлан Жиембай