Apple дунёдаги энг қиммат брендга айланди
Apple 2024 йилда энг қиммат компаниялар рейтингида биринчи ўринни эгаллади. Ундан кейинги ўринда Microsoft ва Google компаниялари турибди, деб хабар беради Kazinform hi-tech.mail.ruга таяниб.
“Brand Finance Global 500” таҳлилчилари янги бозор тадқиқотларини эълон қилди. Apple 2024 йилда энг қиммат компаниялар рейтингида биринчи ўринни эгаллади. Унинг қиймати йил давомида 74%га ошди ва $516,6 млрдни ташкил этди.
“Apple стратегик диверсификация ва премиумизация орқали ўз бренди қийматини оширди, iPhone савдосига қаттиқ боғлиқликдан воз кечди ва Apple TV обуналари каби тақиладиган қурилмалар ва хизматлар бизнесига ўтди”, — деди Дэвид Хей, Brand Finance раиси ва бош директори.
2023 йилда етакчи бўлган Amazon уч поғона пастлаб, тўртинчи ўринга тушиб кетди. Йил давомида бренд нархи қарийб 3%га — $308,9 млрдга қимматлашган.
Microsoft яхши ўсишни кўрсатиб, компания икки поғонага кўтарилди. Бунга қийматнинг 78%га ошиши ($340,4 млрдгача) ёрдам берди.
Учинчи ўринда, аввалгидек, қиймати 18,5%га ($333,4 млрдгача) ошган Google жойлашган.
Мутахассислар Tesla билан ўзгаришларни алоҳида қайд этди. Бренд нархи 12%га ($58,3 млрдгача) арзонлашди, бунинг натижасида у рейтингдаги 9-ўриндан 18-ўринга тушди.
