Антониу Гутерриш: Ғазо секторидан 2500 нафар бола зудлик билан эвакуация қилиниши керак

ASTANA. Kazinform – Бирлашган Миллатлар Ташкилоти (БМТ) Бош котиби Антониу Гутерриш Ғазо секторидан 2500 нафар бола зудлик билан эвакуация қилиниши кераклигини айтди. Бу ҳақда Anadolu агентлиги хабар берди.

БҰҰ агенттігі Газа секторына гуманитарлық көмек жеткізуді тоқтатады
Фото: БАПОР

Гутерриш Ғазода ишлайдиган тўрт америкалик шифокор билан учрашгандан сўнг ижтимоий тармоқдаги Х саҳифасида шу хабар билан бўлишди.

Унинг сўзларига кўра, Ғазода ишлаётган шифокорлар билан учрашув унда катта таассурот қолдирган. Гутерришнинг қайд этишича, шифокорларнинг фидойилиги ҳарқандай мақтовга лойиқ.

"2500 бола зудлик билан Ғазодан эвакуация қилиниши керак ва даволаниш тугагандан сўнг уларнинг оилалари ва жамоаларига қайтиши таъминланиши керак", – деб таъкидлади Гутерриш.

Эслатиб ўтамиз, ЖССТ Ғазо секторига тиббий ёрдам кўрсатишни кучайтиришга тайёрлигини билдирган эди.

Гуманитар ёрдам ортилган 900 юк машинаси Ғазога етиб борди.

Сўнгги хабарлар