Анқара Фаластинга гуманитар ёрдам кўрсатиш масаласини кўриб чиқмоқда

Анқара Фаластинга гуманитар ёрдам кўрсатиш масаласини кўриб чиқмоқда
Фото: aa.com.

Туркия Ғазо секторидаги ҳарбий ҳаракатлардан жабр кўрган фаластинликларга гуманитар ёрдам жўнатишга тайёр. Аммо ҳозирги шароитда минтақага юк жўнатиш қийин, деб хабар беради Kazinform агентлиги.

Президент Режеп Тайып Эрдоған Туркиянинг Фаластинга инсонпарварлик ёрдами етказиш учун зарур тайёргарлик кўраётганини маълум қилди.

Шу билан бирга, Туркия Мудофаа вазирлиги мамлакат Қуролли кучлари Фаластин халқига ёрдам кўрсатиш бўйича вазифаларни бажаришга тайёрлигини таъкидлади.

“Минтақада вазият жуда оғир. Ҳозирги вазиятда у ерда ёрдам олиш жуда қийин. Туркия ҳозирда Фаластин ва Исроил билан музокаралар олиб боришга ҳаракат қилмоқда”, – деди Туркия Мудофаа вазирлиги вакили.

Эрдоғаннинг Фаластин ва Исроил етакчилари билан музокараларига қарамай, Туркия ҳалигача гуманитар ёрдам етказиб бериш жадвалини расман эълон қилмаган.

Одатда, бундай вазифани мамлакатда Туркия ҳукумати қошидаги Фавқулодда вазиятларнинг олдини олиш ва ҳаракат қилиш агентлиги (AFAD) амалга оширади, бироқ керак бўлганда ҳарбий самолёт ва кемалардан фойдаланилади.

Бундан олдин Миср ва АҚШ, Қатар ва Туркия ўртасидаги музокараларда Ғазо сектори ва Мисрнинг Синай ярим ороли ўртасидаги «Рафах» назорат пункти орқали вақтинчалик ўт очишни тўхтатган ҳолда инсонпарварлик ёрдамини етказиб бериш масаласи муҳокама қилинган эди.

Сўнгги хабарлар