Англияда учта қизалоқни ўлдирган жиноятчига ҳукм чиқарилди

ASTANA. Kazinform – Саутпортда учта қизалоқни ўлдиришда айбланган эркак 50 йилдан ортиқ муддатга қамоқ жазосига ҳукм қилинди, деб ёзади Euronews.

Объявлен приговор убийце трех девочек в  Англии
Фото: Мерсисайд полицияси

Аввалроқ Англиянинг Саутпорт шаҳрида рақс дарси вақтида уч қизни ўлдирган ва яна 10 нафарини жароҳатлаган 18 ёшли Аксель Рудакубана барча айбларга иқрор бўлган эди. У камида 52 йил қамоқ жазосига ҳукм қилинган.

Судья Жулиан Гус умрбод қамоқ жазосини тайинлай олмаслигини айтди. Чунки Рудакубана жиноят содир этилганда 18 ёшга тўлмаган ва ўз айбига иқрор бўлган.

Рудакбуана июль ойида Саутпортда болаларга ҳужум қилганда 17 ёшда эди. Тахминан 15 дақиқа давом этган ҳужум пайтида у 9 ёшли Алиса Дасильва Агиарни, 7 ёшли Элси Дот Станкомбни ва 6 ёшли Бебе Кингни ўлдирган, яна саккиз нафар бола ва икки катта одамни жароҳатлаган.

Ҳалок бўлган қизлардан бири 122 нафар, иккинчиси эса 85 нафар жароҳат олган.

Сўнгги хабарлар