Америка флотига биринчи марта аёл раҳбарлик қилади - Байден номзодни тасдиқлади

WASHINGTON. Кazinform – АҚШ президенти Жо Байден мамлакат ҳарбий-денгиз флоти раҳбари лавозимига аёл адмирал Лиза Франчетти номзодини илгари сурди – тарихда биринчи марта аёл киши АҚШ ҳарбий-денгиз кучларига раҳбарлик қилиши мумкин, дея хабар беради Кazinform BBC Newsга таяниб.

Лиза Франчетти АҚШнинг 6-флоти ва Жанубий Кореядаги АҚШ денгиз кучларининг собиқ қўмондони. У шунингдек, ҳужумчи самолёт ташувчиси қўмондони бўлиб хизмат қилган.

Унинг номзоди Президент Байден томонидан маъқулланганидан кейин унинг тайинланиши АҚШ Сенати томонидан тасдиқланиши керак.

Ҳарбий-денгиз кучларида 38 йил хизмат қилган Франчетти АҚШ тарихида адмирал унвонига кўтарилган иккинчи аёлдир.

АҚШ матбуоти хабарларига кўра, адмирал Франчетти АҚШ ҳарбий-денгиз кучларига раҳбарлик қилиш учун биринчи танлов эмас эди. Бу лавозимни адмирал Сэмуэл Папаро эгаллаши керак эди, бироқ Байден уни Тинч океанидаги АҚШ армияси қўмондони лавозимига тайинлади.

Адмирал Франчетти АҚШ ҳарбий-денгиз кучлари бошқарувини шу кузда, АҚШ ҳарбий-денгиз кучларининг амалдаги раҳбарининг тўрт йиллик ваколати тугаши билан ўз қўлига олади.