Америка банкига пандемия даврида нафақаларни тўламагани учун 225 миллион доллар жарима солинди

NUR-SULTAN. Kazinform – Банк оф Америcа регуляторлар томонидан пандемия шароитида ишсизлик нафақаларини нотўғри тақсимлагани учун 225 миллион доллар жаримага тортди, дея хабар беради Kazinform CBS News телеканалига таяниб.

АҚШ Молия вазирлигининг Валюта назорати бошқармаси АҚШнинг иккинчи йирик банкига олдиндан тўланган карталар дастури билан боғлиқ фирибгарлик амалиётидан жабрланганларга 125 миллион доллар товон тўлашни буюрди. Истеъмолчиларни молиявий ҳимоя қилиш бюроси, шунингдек, Америка банкини «пандемия даврида давлат ишсизлик нафақасини тўламаганликда» айблаб, яна 100 миллион доллар жаримага тортди.

Истеъмолчиларни молиявий ҳимоя қилиш бюросининг таъкидлашича, Америка банки фирибгарликни аниқлаш дастури орқали одамларнинг ҳисобларини автоматик равишда ва ноқонуний равишда музлатиб қўйган. Натижада 12 штат - Аризона, Калифорния, Айова, Канзас, Кентукки, Массачусетс, Мериленд, Мичиган, Нью-Джерси, Невада, Шимолий Каролина ва Жанубий Каролина штатларидан 100 000 га яқин карта эгалари зарар кўрди.

Ўз навбатида, Америка банки вакиллари 2020 ва 2021 йилларда ҳукумат тизимлари тўловларни тасдиқлаш бўйича сохта аризалар билан тўлиб кетганини таъкидладилар, чунки пандемия мисли кўрилмаган жиноий фаолиятга олиб келган. Шунга қарамай, банк 14 миллиондан ортиқ одамга пандемия сабабли ишсизлик бўйича 250 миллиард доллардан ортиқ нафақа беришга ёрдам берди ва америкаликларга бошқа молия институтларига қараганда кўпроқ ёрдам берди.

90 кун ичида банк жисмоний шахсларга зарарни қоплаш режасини тақдим этиши керак.

Фото: greeceinvestorguide.com