«Алтай» клублар ўртасидаги Осиё чемпионатидаги иккинчи ғалабасини қўлга киритди

ASTANA. Kazinform – Қозоғистоннинг «Алтай» волейбол жамоаси Вьетнамда (Виньфук) бўлиб ўтаётган ХХІІІ клублар ўртасидаги Осиё чемпионатида иккинчи ғалабасини қўлга киритди, деб хабар беради Kazinform мухбири.

Юрий Панченко шогирдлари «В» гуруҳида бугун Мўғулистоннинг «Khuvsgul Erchim VC» жамоаси билан бўлиб ўтган беллашувда ўз маҳоратини намойиш этди. Учрашув қозоғистонликларнинг яққол устунлиги билан ўтди ва улар 25:12, 25:9, 25:11 ҳисобида зафар қучди.

Шу тариқа, «Алтай» икки турдан кейин 5 очкога эга бўлди. Эртага қозоғистонликлар ўз гуруҳидаги асосий рақиб Хитойнинг «Liaoning Donghua VC» клуби билан куч синашади. Ғалаба қозонса, ўз гуруҳидан ярим финалга чиқиш имкониятига эга бўлади.

Эслатиб ўтамиз, аввалроқ Қозоғистоннинг «Алтай» клуби волейбол бўйича клублар ўртасидаги Осиё чемпионатини ғалаба билан бошлагани ҳақида хабар берган эдик.

Фото: instagram.com/altayvc

Муаллиф: Ғайсағали Сейтақ