Алматидан Франкфуртга янги рейс очилади

ASTANA. Kazinform - Янги рейснинг очилиши 2025 йилнинг 1 июнига белгиланган, дея хабар беради Kazinform ҚР Транспорт вазирлигига таяниб.

Қозоғистоннинг «Air Astana» авиакомпанияси 2025 йил 1 июндан бошлаб ҳафтасига 3 марта (сешанба, пайшанба, якшанба) Алмати – Франкфурт йўналиши бўйича янги рейс очишни режалаштирмоқда.

Ҳозирда авиакомпания Франкфуртга Астана ва Оралдан парвозларни амалга оширмоқда.

“Алматидан ҳаво қатновининг очилиши мамлакатлар ўртасидаги савдо-иқтисодий, сармоявий, туризм ва маданий ҳамкорликни янада ривожлантиришга хизмат қилади”, - дейилади вазирлик баёнотида.

Сайёҳларга қулайлик яратиш мақсадида рейслар ВС А321LR типидаги самолётларда амалга оширилади. ҚР Транспорт вазирлигининг Фуқаро авиацияси қўмитаси парвозлар географиясини кенгайтириш ва халқаро рейслар сонини кўпайтириш бўйича ишларни давом эттирмоқда.

Эслатиб ўтамиз, аввалроқ 2025 йилда Қозоғистонда бир нечта ички ва халқаро рейслар очилиши ҳақида хабар берилган эди.