Алматида пневмония билан касалланиш 2 баравар камайди

ALMATY. Kazinform – Алмати ҳокими Бақитжан Сағинтаев Алмати каналининг Akimat Live дастурида пневмония билан касалхонага ётқизилган беморлар сони икки баравар камайганини айтди, дея хабар беради Kazinform мухбири.

Шаҳар ҳокимининг сўзларига кўра, июнь ойида беморларнинг сони жуда кўп эди.

«Бу вақт ичида 6 175 бемор пневмониядан даволанди. Агар касаллик тарқалиши даврида кунига 300 бемор касалхонага ётқизилган бўлса, бугунги кунда кунига 133 киши касалхонага ётқизиляпти», - деди Бақитжан Сағинтаев.

Шаҳар ҳокими шифокорлар билан бевосита алоқада бўлганини айтди.

«Мен ҳар доим асосий касалхоналарнинг бош врачлари билан суҳбатлашаман ва қанча одам касалхонага ётқизилганини сўрайман. Масалан, аввалроқ №7 касалхонага кунига 100 бемор пневмония билан ётқизиларди. Сўнгги пайтларда кунига 15-20 киши тушмоқда. №4 сонли касалхонага, Шошилинч касалхонага, №1 касалхонага ётқизилган беморлар сони ҳам камаймоқда. Кўриб турганимиздек, пневмония билан касалланиш икки баравар камайди», - деди шаҳар ҳокими.

Муаллиф: Гулмира Ғосманали