Алмати вилояти ассамблеяси сув тошқинларидан жабрланганлар учун 60 миллион тенге ўтказди

ҚХА аъзолари
Фото: Алмати вилояти ҳокимлиги

QONAEV. Кazinform — Вилоят ҳокимлигида Алмати вилояти ҳокими Марат Султанғазиев раислигида Алмати вилояти Ижтимоий келишув ва тараққиёт маркази ташаббуси билан вилоят Қозоғистон халқи Ассамблеяси ХХІХ сессияси бўлиб ўтди.

Давлат раҳбари Қозоғистон халқи Ассамблеясининг “Бирлик. Бунёдкорлик. Юксалиш” деб номланган ХХХІІІ сессиясида бир қатор долзарб вазифаларни қайд этган эди.

Бунга эришиш учун саъй-ҳаракатларни сафарбар қилиш керак.

ҚХА аъзолари
Фото: Алмати вилояти ҳокимлиги

 

– Ишонаманки, вилоят ҚХА бундан буён ҳам тинчлик, дўстлик ва эзгуликни мустаҳкамлаш йўлида хизмат қилади, вилоятимиз ҳамжиҳатлик ва ижтимоий келишув намунаси бўлиб қолади, – дейди вилоят ҳокими Марат Султанғазиев.

Вилоят ассамблеяси раҳнамолигида жорий ярим йилликда вилоятда тинчлик ва дўстликни мустаҳкамлаш йўлида кенг кўламли ишлар амалга оширилиб, 200 дан ортиқ тадбир ўтказилди.

“Юракдан юракка” республика акцияси доирасида Алмати вилояти ҚХА меценатлари ва тузилмалари томонидан сув тошқинларидан жабрланганлар учун 60 миллион тенгега яқин моддий ёрдам кўрсатилди, 4 юк машинаси ва 3 вагон ижтимоий ёрдам жўнатилди.

ҚХА сессияси
Фото: Алмати вилояти ҳокимлиги

 

Шунингдек, кўп болали ва кам таъминланган оилалар, фахрийлар ва ногирон болаларга 23 миллион тенге миқдорида ёрдам кўрсатилди.

Бугунги кунда вилоят ҚХА қошида 141 оқсоқоллар кенгаши фаолият кўрсатмоқда, ҚХА аъзоларининг умумий сони 1176 нафарни ташкил этади.

Алмати вилоятида 105 этник гуруҳ истиқомат қилади, 26 этник-маданий бирлашма мавжуд.

Шунингдек, барча туман ва шаҳарларда 146 та Оналар кенгаши ташкил этилган бўлиб, аъзолари умумий сони 1200 нафарни ташкил этади.

Бу тузилмаларга жамоат ташкилотлари фаоллари, нафақадаги ўқитувчилар, этник-маданий марказлар аъзолари, ҳуқуқшунослар, оммавий ахборот воситалари вакиллари киради.

ҚХА ёрдами
Фото: Алмати вилояти ҳокимлиги

 

Вилоят ҚХА бундан буён ҳам тинчлик, дўстлик ва эзгуликни мустаҳкамлаш йўлида хизмат қилади, вилоят ҳамиша миллий бирлик ва ижтимоий келишув намунаси бўлиб қолади.

Сўнгги хабарлар
telegram