Алмати шаҳрида халқаро олимпиада бошланди
Алмати шаҳрида ХХ Жаутиков номидаги халқаро олимпиада тантанали равишда очилди. Унга Қозоғистон, Озарбайжон, Арманистон, Беларусь, Россия, Қирғизистон, Ўзбекистон, Болгария, Тожикистон, Мўғулистон, Грузия, Сербия, Ҳиндистон ва Руминия каби дунёнинг 14 давлатидан 55 та жамоа келди, деб хабар беради Каzinform.
Олимпиада уч йил кетма-кет онлайн тарзда ўтказилиб келинмоқда, аммо бу йил у офлайн режимда ўтказилади. Олимпиада доирасида анъанавий тарзда физика-математика йўналиши бўйича ихтисослаштирилган мактаблар ўртасида учта фан бўйича танлов ташкил этилади. У бошқа халқаро олимпиадалардан ажралиб туради ва ёшларнинг интеллектуал салоҳиятини юксалтиришда мазкур илмий фанларнинг аҳамиятини кўрсатади.
“Жаутиков номидаги олимпиаданинг кўлами ва кенг эътироф этилиши Алмати учун муҳим воқеа бўлди. Ўзининг кучли физика-математика мактаби билан ном қозонган шаҳримиз ўқувчиларининг ғалаба ва муваффақиятларидан фахрланамиз. Жаутиков олимпиадаси ғолиб ва совриндорлари Қозоғистон ва хорижда катта муваффақиятларга эришмоқда. Улар MIT, KAIST, Йель, Кембридж каби дунёнинг энг нуфузли университетлари талабалари”, – деди Алмати ҳокими Ерболат Досаев олимпиаданинг очилиш маросимида.
Танлов икки босқичдан иборат – назарий ва амалий. Иштирокчилар вазифаларни бажарадилар. Олимпиада натижалари ҳар бир фан бўйича алоҳида ҳисобот шаклида эълон қилинади.
Олимпиада ғолиб ва совриндорларига қимматбаҳо совғалар ва таълим грантлари тақдим этилади.
Эслатиб ўтамиз, мусобақа 8-13 январь кунлари бўлиб ўтади.
