Алихан Смаилов хизматларни автоматлаштириш бўйича қатор топшириқлар берди
Кўрсатилаётган хизматлар рўйхатини фаол равишда кенгайтириш учун ҳар бир ҳаётий вазият учун йўл харитаси тасдиқланиши керак. Бу ҳақда Ҳукумат йиғилишида ҚР Бош вазир Алихан Смаилов маълум қилди, дея хабар беради Kazinform мухбири.
“Рақамли ривожланиш вазирлиги бир қатор ишларни амалга ошириши керак. Биринчидан, тегишли давлат органлари билан биргаликда 2024 йил март ойи охирига қадар электрон кўринишда деб эълон қилинган давлат хизматларининг қолган турларини автоматлаштириш зарур. Иккинчидан, проактив хизматлар рўйхатини тизимли равишда кенгайтириш зарур. Бунинг учун ҳар бир ҳаётий ҳолат бўйича “Йўл харитаси” тасдиқланиши керак”, - деди Ҳукумат раҳбари.
Бош вазир ҳар бир давлат хизматининг амалдаги ҳолатини мунтазам текшириб туриш зарурлигини айтди.
“Асосий эътиборни қидирув ишларни осонлаштиришга, маълумотларнинг тўғрилиги ва хавфсиз сақланишига қаратиш лозим. Умуман олганда, аҳолидан сўраладиган ҳужжатлар рўйхатини оптималлаштириш зарур. Корхоналар ва фуқаролар, жумладан, алоҳида эҳтиёжли шахсларга сифатли ва ўз вақтида хизмат кўрсатишга устувор аҳамият қаратиш лозим”, - деди Алихан Смаилов.
Муаллиф: Марлан Жиембай
