Alem.ai халқаро сунъий интеллект маркази очилади
ASTANA. Kazinform - Астанадаги Qazaqstan Venture Group жамғармаси маҳаллий ва Марказий Осиё давлатларининг сунъий интеллект лойиҳаларига 1 миллиард долларгача сармоя киритади.
Бош вазир Олжас Бектеновнинг “Олти йиллик тараққиёт: Қозоғистон барқарор ривожланиш йўлида” мақоласида ана шундай маълумотлар келтирилган.
Ҳукумат раҳбари тақдим этган маълумотларга кўра, Қозоғистон нафақат IT-хизматлари экспортини оширмоқда, балки Марказий Осиё мамлакатлари орасида ишончли етакчи ҳисобланади.
“Боғчаларда “Оиланинг рақамли картаси”, “Ижтимоий ҳамён” ва рақамли ваучерлардан фаол фойдаланилмоқда, QazaqLaw (ҳуқуқий база ёрдамчиси), LLM миллий тил модели яратилди, “Бизнеснинг рақамли карта” ва бошқа лойиҳалар ишлаб чиқилмоқда. Сўнгги беш йилда инновацион маҳсулотлар ҳажми икки баравардан кўпроқ ошиб, 1,1 триллион тенгедан 2,4 триллион тенгега етди”, – дейди Олжас Бектенов.
Шунингдек, у Президентнинг топшириғига биноан “Астана” халқаро молия маркази негизида сунъий интеллектни ривожлантиришни қўллаб-қувватлаш мақсадида Qazaqstan Venture Group фондларининг венчур фонди ташкил этилганини эслатади. Бу ерда молиялаштиришнинг мақсадли миқдори 1 миллиард долларни ташкил этади.
“Жамғарма Қозоғистон ва Марказий Осиёнинг инновацион лойиҳаларига устувор аҳамият бериб сармоя киритади. Бу йил Alem.ai халқаро сунъий интеллект маркази очилади, бу мамлакатнинг жадал рақамли трансформациясига хизмат қилади”, - деб ёзади Бош вазир.
Олжас Бектеновнинг айтишича, Ҳукумат олдида рақамлаштириш ва сунъий интеллект, транспорт, энергетика, агросаноат сектори ва инсон капиталини ривожлантириш салоҳиятидан оқилона фойдаланиш вазифаси турибди.
“Ҳукумат белгиланган вазифаларни бажариш учун барча имкониятларни ишга солади. Кўриб турганимиздек, сўнгги 6 йил ичида жуда кўп ишлар қилинди, бироқ олдинда бундан ҳам катта вазифалар турибди”, – дея ўз мақоласини якунлади.
