Ақтўбе сув омборларида сув сатҳи пасаймоқда

AQTÖBE. Кazinform - Ақтўбе вилояти ҳокимининг ўринбосари Асилбек Есенбаев вилоятдаги сув тошқинлари оқибатлари ва амалга оширилган ишлар ҳақида сўзлаб берди.

“Вилоятдаги учта йирик сув омборининг сув сатҳи нормал ҳолатда. Сўнгги икки-уч кун ичида ёғингарчилик туфайли Қарғали сув омборида сув сатҳи кўтарилди. Кеча биз Қарғали омборига ташриф буюрдик. Сув сатҳида пасайиш кузатилмоқда. Айни пайтда транзит режимида сониясига 100 куб метр сув жўнатиляпти. Омбордаги сув даражаси ҳар икки соатда текширилади”, — деди А.Есенбаев Марказий коммуникациялар хизматида ўтказилган матбуот анжуманида.

Спикернинг сўзларига кўра, Ақтўбе вилоятида сув тошқинлари билан боғлиқ вазият барқарор, у ерда фавқулодда штаб кечаю кундуз ишламоқда.

Вилоятнинг 6 та тумани (Қобда, Муғалжар, Темир, Айтеке би, Ойил, Ирғиз) ва Ақтўбе шаҳрида табиий офат бўйича фавқулодда ҳолат эълон қилинган. Вилоят бўйлаб 720 нафар ходим, 185 та техника, 11 та сув қайиғи ва 8 та сув насоси жалб қилинган.