Ақтаудаги ёнғинда куйиб қолган икки нафар Ўзбекистон фуқароси реанимация бўлимида ётибди
AQTAÝ. Kazinform – Ақтаудаги шина таъмирлаш устахонасида содир бўлган ёнғинда куйиб қолган одамларнинг аҳволи маълум бўлди.
Манғистау вилоят шифохонасининг реанимация бўлимига ётқизилган икки нафар хорижлик фуқаронинг ҳозирги аҳволи ҳақида тегишли тиббий ёрдам кўрсатувчи мутахассислар маълум қилди.
“Ёнғин пайтида жароҳатланган икки кишининг аҳволи оғир. Улар реанимация бўлимига ётқизилган. Тўлиқ ҳолатлар тегишли чоралар кўрилганидан кейин маълум бўлади”, – дейилади вилоят шифохонаси матбуот хизмати хабарида.
Кеча тунда Ақтау шаҳрининг 28а мавзесида жойлашган автомобиль шиналарини таъмирлаш устахонасида ёнғин содир бўлди. Вайрон бўлган объект ичида икки нафар Ўзбекистон Республикаси фуқароси бўлган. Воқеа жойига етиб келган тез ёрдам хизмати чет эл фуқароларига биринчи тиббий ёрдам кўрсатиб, зудлик билан касалхонага етказган.
