Ақтау яқинидаги авиаҳалокат: Озарбайжонда ёдгорлик ўрнатилди
ASTANА. Кazinform — Озарбайжонда АZAL авиаҳалокати қурбонлари хотирасига ёдгорлик ўрнатилди, деб хабар беради Кazinform агентлиги мухбири.
“Хиналиғ ва кўчманчилар йўли” давлат тарихий-маданий ва этнографик қўриқхонаси ҳудудида авиаҳалокат қурбонлари хотирасига бағишланган ёдгорлик лавҳаси ўрнатилди. Ёдгорликда экипаж аъзолари - Игор Кшнякин, Александр Кальянинов ва Окюма Алиева исмлари, шунингдек, қурбонлар хотирасига бағишланган ёзув мавжуд. Ёдгорликни ўрнатишда озарбайжонлик альпинистлар иштирок этди.
Эслатиб ўтамиз, ўтган йилнинг 25 декабрь куни Ақтау яқинида Озарбайжон ҳаво йўллари самолёти ҳалокатга учраган эди. Самолёт бортида 67 киши, жумладан беш нафар экипаж аъзоси бўлган. Ҳодиса оқибатида 38 нафар йўловчи ҳалок бўлган, 29 нафари тирик қолган.
Кейинроқ Бразилия Ҳарбий-ҳаво кучларининг Ҳаво ҳодисаларини текшириш маркази (Cenipa) экспертлари АZAL авиакомпаниясининг ҳалокатга учраган Embraer 190 самолётининг қора қутисини таҳлил қилишни бошлаганликларини маълум қилишди.
Жорий йилнинг 4 февралида Ақтау яқинида содир бўлган авиаҳалокат юзасидан тергов ҳисоботи эълон қилинган эди.
Аввалроқ Озарбайжон Республикаси Ташқи ишлар вазири Жейҳун Байрамов пойтахтга расмий ташриф билан келган ва қозоқ халқига ўз миннатдорчилигини билдирган эди.
