Ақтау ва Қуриқ портларининг терминал ҳудуди кенгайтирилади
ASTANА. Кazinform – ҚР Транспорт вазирлигининг Темир йўл ва сув транспорти қўмитаси раиси ўринбосари Қасим Тилепов Марказий коммуникациялар хизматида Ақтау ва Қуриқ портларининг терминал ҳудуди кенгайтирилишини маълум қилди.
“Қуриқ порти акваториясини чуқурлаштириш июль ойида бошланган. Ҳозир умумий ишларнинг 30 фоизи бажарилган. Бельгиянинг «Jan De Nul» номли йирик компанияси чуқур қазиш ишларини олиб бормоқда. Шу мақсадда Қуриқ порти акваториясига 7-тоифага кирувчи қаттиқ тупроқни чиқариб олишга қодир “Висалиус” номли махсус кема тортилди. Келгуси 2025 йилда ҳам худди шундай ишлар Ақтау портида ҳам амалга оширилади”, — деди қўмита раҳбари.
Қўмита тақдим этган қўшимча маълумотларга кўра, Каспий денгизи тубини чуқурлаштириш ҳисобига терминаллар сиғимини ошириш режалаштирилган. Аниқроқ айтадиган бўлсак, Қуриқ ва Ақтау портларининг фойдали майдони 171 гектарга кенгаяди.
