АҚШнинг бир қатор штатларида кучли торнадолар бўлди

WASHINGTON. Kazinform – АҚШ Миллий об-ҳаво хизмати маълумотларига кўра, Техасдан Миссисипигача бўлган 18 миллиондан ортиқ киши кучли торнадо бўрони хавфи остида қолган, деб хабар беради Kazinform мухбири CNN телеканалига таяниб.

Сешанба куни Техасда бешта торнадо тасдиқланди, улардан учтаси Таррант округида ва биттадан Ламар ва Уайз округларида қайд этилган. Довуллар оқибатида етти киши жабрланган, улардан бири касалхонага ётқизилган. Турар-жой бинолари, корхона ва савдо марказлари, омборлар вайрон бўлган, ёқилғи қуйиш шохобчаси вайрон қилинган, дарахтлар қулаб тушган.

Жиддий об-ҳаво шароити Оклахома штатига ҳам жиддий вайронагарчилик келтирди, у ерда етти киши жароҳатланди, бир аёл касалхонага ётқизилди, икки киши бедарак йўқолган. Уэйн шаҳрида электр энергияси узилган, уйлар ва хўжалик иншоотлари шикастланган.

Луизиана штатида бир нечта бинолар вайрон бўлган, электр узатиш линиялари ва дарахтлар қулаган. Расмийлар бедарак йўқолганларни қидириш, вайроналарни текшириб, қидирув-қутқарув ишларини олиб бормоқда.

Айни пайтда Луизиана шимоли-шарқида, Арканзас жануби-ғарбий қисмида ва Миссисипи ғарбида торнадо кузатилмоқда. Бир неча довуллар, шамол тезлиги соатига 70 мил (112 км) гача бўлиши кутилмоқда.

Фото: edition.cnn.com