АҚШга ноқонуний кирган 74 нафар ўзбекистонлик ўз мамлакатига депортация қилинди

TASHKENT. Kazinform - 3 март куни АҚШдан депортация қилинган 74 нафар Ўзбекистон фуқароси Тошкентга қайтарилди. Бу ҳақда Kazinformнинг Тошкентдаги мухбири Алихан Асқар хабар берди.

Dunyo агентлигининг хабарига кўра, АҚШ чартер авиакомпаниясининг Boeing 767 самолёти Далласдан (Техас) учиб, Бухарест (Руминия) орқали Тошкентга етиб келди.

Депортация қилинганларнинг катта қисми АҚШ ҳудудига Мексика орқали, баъзилари эса бошқа давлатлар орқали кириб келган.

Эслатиб ўтамиз, ўтган йилнинг декабрь ойида мамлакатга ноқонуний киришга уринган 119 нафар ўзбекистонлик АҚШдан депортация қилинган эди.