АҚШдаги Жаҳон ўйинларида Қарағанди акробатлари бронза медалини қўлга киритди

NUR-SULTAN. Kazinform – АҚШнинг Алабама штатининг энг йирик шаҳри Бирмингемда худди Олимпиада сингари тўрт йилда бир марта ўтказиладиган Бутунжаҳон акробатика ўйинлари якунланди. Қарағандалик спортчилар ушбу мусобақада учинчи ўринни эгаллади, деб хабар беради Kazinform.

Қарағанди гимнастика мактаби акробатлари энг муҳим ғалаба учун курашдилар. Улар - таниқли жуфтлик - Костенко номидаги кон кончиси Даниель Диль ва Иқтисодиёт университети талабаси Вадим Шуляр.

«Вилоят олий спорт маҳорати мактаби ўқувчилари учун бу йил ноолимпия спорт турлари бўйича зафарли бўлди. Март ойида бўлиб ўтган жаҳон чемпионатида ҳамюртларимиз яккалик машқларида олтин, кўпкураш бўйича кумуш медални қўлга киритди (Женева, Швейцария). Энди эса, янги муваффақият - Жаҳон ўйинларининг бронза медаллари», - деб хабар берди Қарағанди вилояти жисмоний тарбия ва спорт бошқармаси.

Қарағандининг яна бир жамоаси - аёллар жуфтлиги. Саша Рудакова ва Дамира Талғат дуети тобора кучайиб бормоқда. Бирмингемда улар тўртинчи ўринни эгаллади.

Қарағандилик спортчиларни Сергей Вертянкин, Ботағоз Байбакушева, Ирина Балагутина ва Ирина Загриценколар тайёрлайди.

Акробатларни олдинда Осиё чемпионати кутиб турибди.

Фото: olympic.kz