АҚШдаги кимё заводида рўй берган ёнғинни тўрт кундан бери ўчириш мумкин бўлмаяпти
ASTANA. Kazinform – 16 сентябрь куни АҚШнинг Техас штатидаги кимё заводида газ қувурида содир бўлган ёнғин ҳалигача ўчирилмаган.
The Guardian газетаси маҳаллий ҳукуматга таяниб хабар беришича, 16 сентябрь куни эрталаб Ла-Порте шаҳридаги заводда ёнғин келиб чиққан, минглаб уйлар электр таъминотисиз қолган, воқеа яқинида яшовчи аҳоли эвакуация қилинган.
Кимё заводидаги портлашдан кейин бошланган ёнғин тўрт кундан бери ўчирилмаяпти.
“Газни тўхтатишнинг иложи бўлмаганга ўхшайди. “Энергия узатиш” газ қувурлари оператори жамоаси ва маҳаллий коммунал хизматлар ҳудудни изоляция қилиш ишларини олиб бормоқда”, – дейилади хабарда.
Маълумотларга кўра, портлаш йўлтанламас автомобилнинг ёқилғи қуйиш шохобчасига келиб урилиши ва ёнғин келиб чиққанидан кейин содир бўлган. Маълумотларга кўра, ҳайдовчи ҳалок бўлган ва ҳеч ким машинага яқинлаша олмаган. Тумандаги мингдан ортиқ хонадонда яшовчи фуқаролар хавфсиз жойга кўчирилди.
“Кўплаб нефтни қайта ишлаш заводлари ва минглаб километр узунликдаги қувурлар жойлашган Хьюстон портлаш ва ёнғинларга мойил. Уларнинг аксариятида ўлим ҳолатлари қайд этилган”, – дейилади хабарда.
